Remischi Verdreg
From Wikipedia, the free encyclopedia
Di Remische Verdreg (usser z Dytschland un z Italien zmaischt Verdrag vu Rom gnännt) sin am 25. Merz 1957 vu Belgie, dr Bundesrepublik Dytschland, Frankrych, Italie, Luxemburg un dr Niderlande z Rom (uf em Kapitol, im Senatorepalascht) unterzaichnet wore.[1] D Verdreg sin am 1. Jänner 1958 in Chraft drätte:
- dr EWG-Verdrag, wu di Europäisch Wirtschaftsgmainschaft (EWG) dermit grindet woren isch,
- dr EURATOM-Vertrag, wu di Europäisch Atomgmainschaft (EURATOM) dermit grindet woren isch, un
- s Abchuu iber gmainisami Organ fir di Europäische Gmainschafte, wu feschtglait het, ass EWG, EURATOM un EGKS e gmainsami barlemäntariischi Versammlig (hite s Europäisch Barlemänt), e gmainsame Grichtshof un e gmainsame Wirtschafts- un Sozialuusschuss hän.
Di ufzellte Gmainschafte hän zäme mit dr Europäische Gmainschaft fir Chohle un Stahl di Europäische Gmainschafte (ab 1992 di Europäischi Gmainschaft) bildet. Erscht mit em Fusionsvertrag (1965) sin au d Kommission un dr Minischterrot entstande.