Paul Éluard
From Wikipedia, the free encyclopedia
Dr Paul Éluard, eigetlig Eugène Émile Paul Grindel isch am 14. Dezämber 1895 z Saint Denis bi Baris uf d Wält cho. Er isch e Dichter gsi und eine vo de bekanntiste Poete vom Surrealismus. 1919 het er sich dr Künstlegruppe um e André Breton aagschlosse. 1921 het er dr Max Ernst droffe und si hai afo zsämmeschaffe. 1938, het er zsämme mit em Breton z Baris die Internationali Usstellig vom Surrealismus organisiert und isch no im gliiche Johr us em Breton siiner Gruppe usgschlosse worde. Wo die Dütsche im Zweite Wältchrieg Frankriich bsetzt hai, het sich dr Éluard in dr Résistance engagiert. Er isch am 18. Novämber 1952 z Charenton-le-Pont bi Baris gstorbe.