Maischterschaft vu Züri
From Wikipedia, the free encyclopedia
D Maischterschaft vu Züri, au Züri-Metzgete gnännt, isch e Aidagränne im Radsport, wu z Züri in dr Schwyz stattgfunde het. Friejer isch s aafangs Mai, bis 2004 derno im Augschte durgfiert wore, ab 2005 wäg dr Umstellig vum Rännkaländer vu dr UCI aafangs Oktober. Bis 2004 isch s Dail vum Rad-Wältcup gsii, wu zeh Ränne derzue ghert hän, 2005 un 2006 het s derno zue dr nei yygfierte UCI ProTour ghert. S Radränne isch syter anne 1910 regelmäßig durgfiert wore, anne 2006 zum 93. Mol. Dr gängig Name Züri-Metzgete chunnt vu dr schwäre Uufäll, wu s in dr Aafangszyt als gee het.
Maischterschaft vu Züri Züri-Metzgete | |
Uusdragigsland | Schweiz Schwiz |
Uusdragigszytruum | Oktober |
Ränntyp | Eidagesränne |
Erschti Uflag | 1914 |
Erschte Siiger | Flagge der Schweiz Henri Rheinwald |
Rekordsiiger | Flagge der Schweiz Heiri Suter (6 Siig) |
Im April 2007 isch bekannt wore, ass d Organisatore no dr widerholte Doping-Skandal im Radsport nimi gnue Sponsore hän chenne gwinne go d Cheschte vu 1,2 Millione Schwyzer Franke abzdecke, wäge däm isch s Ränne 2007 abgsait wore. Ab 2008 isch s as Amateur- un Volksränne durgfiert wore un het syterhär EKZ Züri Metzgete bzw. EKZ Volksmetzgete ghaiße. Am 5. Septämber 2010 het s Ränne unter em Motto "100 Jahre Züri-Metzgete" stattgfunde. Syt d Uusgab 2015 abgsait woren isch, isch s frogli, eb des Traditionsränne iberhaupt nomol veraastaltet wird.
Rekordsiger isch dr Schwyzer Heiri Suter, wu d Metzgete zwische 1919 un 1929 segs Mol gwunne het.