Luis Buñuel
From Wikipedia, the free encyclopedia
Dr Luis Buñuel Portolés (* 22. Februar 1900 z Calanda, Schbanie; † 29. Juli 1983 z Mexiko-Stadt, Mexiko) isch e schbanisch-mexikanische Filmmacher gsi, wo in dr Früehzit vom Film as surrealistische Reschissöör bekannt worde isch. Er zelt zu de wichdigste Filmreschissöör vom 20. Joorhundert. Dr Buñuel het mit em Salvador Dalí und dr Bariiser Surrealiste-Grubbe um e André Breton zämmegschafft. S bekanntiste Wärk us deere Zit isch dr Film Un chien andalou (Ein andalusischer Hund) us em Joor 1929. Äins vo de zentraale Themene vo sine Film isch dr Kampf gegen e Bürgerdum, wo erstarrt isch und sich die ganz Zit nume sinnloos widerholt, zum Bischbil in Der Würgeengel und Der diskrete Charme der Bourgeoisie.