Lischte vo de IATA-Airline-Codes
From Wikipedia, the free encyclopedia
D IATA-Codes für Fluggsellschafte oder ou Zwöi-Buechstabe-Codes uf (änglisch: tow letter codes) wärde vo der Internationale Air Transport Association (IATA) ufgrund vo der Resolution 762 vergäh u besöh us ere Kombination vo zwöi Buechstabe und/oder ere Zahl. Si findet sech vor allem, aber nid nur, bi der Usgabe vom Flugschyn (änglisch ticketing) u i Fluggaschtinformationssystem Awändig. Si bildet ou der erschti teil vo der Flugnummere. (Zum Byspiil SR 111 für d Swissair-Flug 111)
Dialäkt: Bärndütsch |
Ufgrund vo der sehr gringe Azahl vo Kombinationsmüglechkeite (36 × 36 = 1296) het me im verlouf vo der Gschicht vili Codes mehrmals vergäh. Der glych Codes cha aber ou glychzytig a zwöi verschidenei Fluggsellschafte vergäh wärde. allerdings nur wenn di beträffendi Fluggsellschafte nid ds glyche Gebiet bediene. So het di US-amerikanischi Regionalfluggsellschaft Skyway Airlines u di wyssrussischi Fluggsellschaft glychzytig der Code AL über cho.
Bi eltere Fluggsellschafte chunnt's hüüffiger zu Verwächslige zwüschem IATA-Code u em ICAO-Code. Da beidi Instituone bis i ds Jahr 1982 identischi Codes gnutzt hei u die usschliesslech zwöitrangig si gsi, hets der Begriff IATA-Code u ICAO-Code no nid gä. Me het aber scho vom two-letter-airline-designators gred. Aber allei uf grund vom Code vo nere Fluggsellschaft isch es unmöglech gsi, Rückschlüss z zieh, öp si es Mitgliid im Linieflugdachverand IATA sy gsi oder nid. Bim IATA-Bytritt vonere Fluggsellschaft blibt ihre zwöistellig ICAO-Code unveränderet u wird mit gnützt. So het ds Chürzel LH vo der Liniefluggselschaft Lufhansa i de 1970er-Jahr e doppelfunktion als ICAO- u IATA-Code gha. Zu dere Zyt hei Frachtfluggsellschafte u Tscharterfluggselschafte wi d Gemanair oder Hapag-Lioyd Flug nid Mitgliid vo der IATA chönne wärde. Drum hei die für e two-letter-airline-designator der ICAO-Code gnützt. Im Jahr 1982 het d ICAO versuechswys e dreistellige Code ygfüehrt. Aber erscht füüf Jahr später, am 1. Novämer 1987 isch das du zu offizielle Standartsystem worde. D IATA het im glyche Momänt ihres zwöistellige Codesystem erwyteret u zwar i däm si ei Buechstabe mit ere Zahl kombiniert hei.
D Lischte isch vom Stand vom 5. Juli 2019. Ehemaligi Mitgliider vo der IATA si mit der Bemerkig Code wird nümm gnützt kennzeichnet. Wir der Code under verschidene E Fluggsellschaft wird dopplet agäh, wenn di der glych Code under underschidleche Näme benützt hei (wi Atlantic Coast Airliner u Independence Air). Vili IATA-Codes sy a Undernähme vergä wo kei Fluggsellschaft sy. Z dene Firmene ghöre zum Bischpil Abieter vo Reservierigssystem, Bahngsellschafte oder Färnbusundernähme.