Le Maire-Strooss bim Kap Hoorn
From Wikipedia, the free encyclopedia
D Le Maire-Strooss (schbanisch Estrecho de le Maire) isch e Seewääg zwüsche dr Isla de los Estados und em östligste Uslöifer vom argentinische Däil vo Füürland. Si isch 34 sm lang und an dr ängste Stell 30,6 km bräit.
Le Maire-Strooss | ||
---|---|---|
S Gebiet vom Kap Hoorn mit dr Le Maire-Strooss | ||
Verbindet s Gewässer | Atlantische Ozean | |
mit em Gwässer | Drakestrooss | |
Drennt d Landmasse | Isla de los Estados | |
vo dr Landmasse | Isla Grande de Tierra del Fuego | |
Date | ||
Geografischi Lag | 54° 50′ S, 64° 55′ W-54.833333333333-64.916666666667 | |
| ||
Chliinsti Bräiti | 30,6 km | |
D Holländer Jacob Le Maire und Willem Cornelisz Schouten häi d Strooss am 24. Januar 1616 entdeggt, wo si e Verbindig zwüschen em Atlantik und em Pazifik gsuecht häi, wo si mit em Schiff duure häi chönne. Si häi e nöije Seewääg müesse sueche, wil ene die Niederländischi Ostindie-Kompanii verbote het, dur d Magellanstrooss z seegle.[1] E baar Dääg spööter, am 29. Januar, häi si s Kap Hoorn entdeggt und im dr Naame Hoorn gee häi noch dr Heimetstadt vom Schouten. D Strooss sälber het spööter iire Naame zu Eere vom Le Maire überchoo.