Kyparissos
From Wikipedia, the free encyclopedia
De Kyparissos (altgriech. Κυπάρισσος) isch i de griechisch Mythologi e höbsche Jünglig vo de Ägäisinsel Keos. Er isch de Gliebti vom Apollon, vom Westwind Zephyros und au vom Silvanus gsii. Er het i de Wildnis Fründschaft miteme wilde Hirsch gschlosse und uf dem sogär chöne riite. Useme Missgschigg hett er ooni Absicht de Hirsch mit sim Speer töödt. I sinnere Verzwiiflig het er d Götter bette, eebig um de Hirsch z truure chöne und er isch denn vom Apollon ine Zypresse, wo noch im binennt isch, verwandlet wore. Inere röömische Saag isches de Waldgott Silvanus, wo de Hirsch tödt hett.