Harpo Marx
From Wikipedia, the free encyclopedia
Dr Adolph Arthur Marx, bekannter als Harpo Marx (* 23. Novämber 1888 z New York City; † 28. Septämber 1964 z Los Angeles) isch e amerikanische Enterteiner, Pantomiim und Schauspiiler gsi. Zämme mit sine Brüeder Groucho, Chico, Zeppo und Gummo si si as d Marx Brothers berüemt worde. Si häi im Vaudeville, am Broadway und im Kino groosse Erfolg ghaa.
Dr Harpo isch e brilliante Pantomimiker gsi. Sini Markezäiche si e rooti Berrügge gsi, si Harfespiile und d Daatsach, ass er vor dr Kamera nie öbbis gsäit het. Er het vor allem mit Huupe und Pfife kommuniziert.