Fueßball-Wältmaischterschaft 1954
From Wikipedia, the free encyclopedia
D Ändrundi vu dr Fueßball-Wältmaischterschaft 1954 (franzesisch Championnat du Monde de Football, italienisch Campionato Mondiale di Calcio, änglisch Football World Championship) vu dr Manne isch d fimft Uusdragig vu dr Fueßball-Wältmaischterschaft gsii, em wichtigschte Turnier fir Fueßball-Nationalmannschafte, un het vum 16. Juni bis zum 4. Juli 1954 in dr Schwyz stattgfunde. Wältmaischter isch dr Ussesyter BR Dytschland wore, wu im Finale gege Ungarn 3:2 gwunne het. Z Dytschland isch des „Wunder vu Bärn“ vu vyl Lyt as Simbol vum Ufbruch noch em verlorene Wältchrieg aagluegt wore. Dr Titelverdaidiger Uruguay isch Vierte wore. D Fueßball-Wältmaischterschaft 1954 isch di erscht gsii, wu offiziäll Fueßball-Wältmaischterschaft ghaiße het, zum erschte Mol sin Spiil diräkt im Färnsee iberdrait wore.
FIFA-Fueßball-Wältmaischterschaft 1954 | |
---|---|
Championnat du Monde de Football 1954 | |
Aazahl Natione | 16 (vu 38 Bewärber) |
Weltmeister | Deutschland Bundesrepublik BR Dytschland (1. Titel) |
Uusdragigsort | Schweiz Schwiz |
Ereffnigsspil | 16. Juni 1954 (Lausanne) |
Ändspil | 4. Juli 1954 (Bärn) |
Spil | 26 |
Dor | 140 (Ø: 5,38 pro Spil) |
Zueschauer | 768.607 (Ø: 29.562 pro Spil) |
Torschitzechenig | Ungarn 1949 Sándor Kocsis (11 Dor) |