Fuessball-Wältmeisterschaft 1934
From Wikipedia, the free encyclopedia
D Fuessball-Wältmeisterschaft 1934, ital. Campionato Mondiale Di Calcio, isch die Zweiti ksi und hät vom 27. Mai bis zum 10. Juni 1934 im Königriich Italie und demit erstmals in Europa stattgfunde. D WM isch wäge de propagandistische Werbig für de Faschismus, ähnlich wie bim Hitler die Olympische Sommerspiil 1936, und de Siig vo Italie für vili es inszenierts Spektakel ksi, wo em Benito Mussolini sini Popularität enorm gsteigeret hät.
FIFA Fuessball Wältmeisterschaft 1934 | |
---|---|
Campionato Mondiale Di Calcio | |
Aazahl Natione | 16 (vu 32 Bewärber) |
Weltmeister | Italien 1861 Italie (1. Titel) |
Uusdragigsort | Italien 1861 Italie |
Ereffnigsspil | 27. Mai 1934 |
Ändspil | 10. Juni 1934 (Rom) |
Spil | 17 |
Dor | 70 (Ø: 4,12 pro Spil) |
Zueschauer | 363.000 (Ø: 21.353 pro Spil) |
Torschitzechenig | Tschechoslowakei 1920 Oldřich Nejedlý (5) |
Italie hät chönne wie vier Jahr vorhär Uruguay de Heimvorteil nutze und hät sin erste Weltmeistertitel im entscheidende Spiil gäge d Tschechoslowakei chönne hole. Die dütschi Fuessballnationalmanschaft isch Dritte, Österriich Vierte worde. D Schwiz hät s Viertelfinale erreicht.
Für d Usrichtig vo de WM 1934 händ sich zunächst Schwede, Spanie und Italie intressiert. Bim Träffe vom Exekutivkomitee vo de FIFA am 14. Oktober 1932 in Züri hät Italie de Zueschlag übercho.