Friedrich Frey-Herosé
From Wikipedia, the free encyclopedia
De Friedrich Frey-Herosé (* 12. Oktober 1801 z Lindau/Bodesee; † 22. September 1873 z Bärn), vo Aarau (AG), isch en Schwiizer Undernehmer, Offizier und Politiker (FDP) gsii.
Er isch Oberscht und Generalschtabschef im Sonderbundchrieg gsii, hät aber au Erfahrig i dr Zivilregierig als Parlaments- und Regierungsmitgliid vom Kanton Aargau.
Privat isch er engagierte Ornithologe und Vogelsammler gsii und als settige Mitgliid vo dr Aargauische Naturforschende Gsellschaft. Teil vo siinere Sammlig sind hüt im Naturama in Aarau zu gseeh.
Er isch am 16. November 1848 in Bundesrat gwählt worde und hät eso zu de erschte siebe Bundesrät ghört. Am 31. Dezember 1866 isch er zruggträte. Während siinere Amtsziit isch er de folgende Departement vorgschtande:
- 1848-1853: Handels- und Zolldepartement
- 1854: Politischs Departement
- 1855-1859: Militärdepartement
- 1860: Politischs Departement
- 1861-1866: Handels- und Zolldepartement
Er isch Bundespräsident gsii i de Jahre 1854 und 1860 und Vizepräsident i de Jahre 1853 und 1859.