«D Vöögel» vom Aristofanes
From Wikipedia, the free encyclopedia
D Vöögel (altgriech. Ὄρνιθες, Ornithes) isch e Komödie vom antike griechische Dichder Aristofanes. Si isch im Jahr 414 v. d. Z. wääred em Peloponnesische Chrieg zum erste Mol ufgfüert worde und beschribt, wie zwäi Exilante us Athen de Vöögel hälfe, d Macht z ergriffe. S Theaterstück bestoot us fümf Akt und vili halte s für s glungnigste Stück vom Dichder.