Die dütschi Riichsgründig
From Wikipedia, the free encyclopedia
Die dütschi Riichsgründig isch vollzooge worde, wo die suwerääne süddütsche Staate – s Groossherzogdum Baade, s Groossherzogdum Hesse südlig vom Main (bzw. vo dr Mainlinie) und d Köönigriich Württebärg und Bayre – sich wääred em siigriiche Dütsch-Französische Chrieg im Dütsche Bund biidrätte si. Eso isch dr föderali dütschi Staat im Joor 1871 erheblig zum nöi gschaffene Dütsche Riich usdeent worde.[1][2][3]
Zitgschichtlig isch s as s sogenannte „zwäite Dütsche Riich“ noch em Häilige Römische Riich vo Dütscher Nazion bezäichnet worde. Dr 18. Januar 1871, wo spööter as „Riichsgründigsdaag“ bezäichnet worde isch, stoot vor allem für die künstlerisch gstaltete Daarstelligswiise vo dr Kaiserbroklamazion z Versailles.