Barthold Heinrich Brockes
From Wikipedia, the free encyclopedia
Dr Barthold Heinrich Brockes (au: Bertold Hinrich Brockes), usgsproche: Brooks (* 22. Septämber 1680 z Hamburg; † 16. Januar 1747 z Hamburg) isch e dütsche Schriftsteller und Dichder in dr früeje dütsche Ufkläärig gsi.
Si Hauptwärk isch die naturlürischi Gedichtsammlig Irdisches Vergnügen in Gott, wo d Natur din in iirer Schönheit und Nützlichkeit as Middler zwüschen em Mensch und Gott reflektiert wird. Es isch am Aafang populäär gsi und es het sonigi gee, won en noochgmacht häi, aber Kritiker wie dr Johann Christoph Gottsched si nid begäisteret gsi drvo. Zwäi Joorzäänt noch em Dood vom Brockes isch s as umbedütend aagluegt worde.