Badischi Chuchi
regionali Chuchi z Dütschland / From Wikipedia, the free encyclopedia
Badischi Chuchi nännt mer s regional Ässe un Drinke vu dr Region Baden. Typisch fir d Region sin dr Wyy us dr Ryyebeni, di traditionäll Buurechuchi un Yyfliss us dr Regione drumume (Schwobe, Schwyz, Elsass, Pfalz, Hesse).
In däm Artikel wäre verschiideni Griicht ufgfiert, wu im Badische in dr zwoote Helfti vum 20. Johrhundert gängig gsii sin. E Dail vu däne traditionälle Griicht cha mer mer au in dr Wirtshyyser z Baade ässe, e Dail dervu au in bessere Gaschthyyser, z. B. Schnägesùbe. Anderi Griicht git s z Bade nume as traditionäll Ässe in dr Familie oder sogar nume bi dr Buure. Zem Byschpel isch dr Söumaage, gfillt mit Brood ùn Gelriebli, im Baadische ne traditionäll Buureässe, wu im Geegesatz zue dr Pfalz nit im Gaschthuus aabote wird. Uf dr andere Syte git s natyrli au z Baade e Hufe Griicht, wu s traditionäll au in andere dytschsprochige Regione git, zem Byschpel Gschweldi, Suurchrut oder Rindsrulaade. Wider anderi Griicht stamme urspringli us andere Regione, z. B. Schnizel oder Linzerdaarde, sin aber mittlerwyli au im Baadische gängig. Derzue cheme au no iberregionali kommerziälli Produkt, wu scho lang etabliert sin, z. B. Moorechebf.