Alfons VI. vo León und Kastilie
From Wikipedia, the free encyclopedia
Dr Alfons VI. dr Dapfer (schbanisch Alfonso el Bravo; * 1037; † 1. Juli 1109 z Toledo) us em Huus Jiménez isch vo 1065 bis 1109 Köönig vo León gsi und sit 1072 au Köönig vo Kastilie und Galicie. Won er Toledo, die alti Hauptstadt vom Westgooteriich, im Joor 1085 vo de Maure erooberet het, het er e wichdige Mäilestäi in dr Gschicht vo dr spanische Reconquista gsetzt und dr Aaspruch vom leónesisch-kastilische Köönigshuus uf d Vorrangstellig under de spanische Köönig uf dr iberische Halbinsle gsterkt. Im Cantar de Mio Cid, äim vo de Hauptwärk vo dr literarische Folklore vo Spanie, isch dr Alfons VI. äini vo de Hauptpersone.