12P/Pons-Brooks
From Wikipedia, the free encyclopedia
12P/Pons-Brooks is 'n kortperiodekomeet met 'n wentelperiode van 71 jaar. Komete met 'n wentelperiode van 20-200 jaar word Halley-tipe komete genoem. Dit is een van die helderste bekende kortperiodekomete en bereik 'n absolute magnitude van sowat 5 terwyl dit sy perihelium (kleinste afstand van die Son af) nader.[2] Komeet Pons-Brooks is in Julie 1812 in die Marseilles-sterrewag deur Jean-Louis Pons ontdek, en met sy volgende verskyning in 1883 deur William Robert Brooks.[4] Daar is antieke rekords van komete wat vermoedelik verskynings van 12P/Pons-Brooks was.
12P/Pons-Brooks soos afgeneem op 7 Maart 2024. | |
Ontdekking | |
---|---|
Ontdek deur: | Jean-Louis Pons William Robert Brooks |
Ontdekkingsdatum: | 12 Julie 1812 |
Alternatiewe name: | 1812; 1884 I; 1954 VII;[1] C/1457 A1 ; C/1385 U1 [2] |
Wenteleienskappe A | |
Epog: | 2024-05-10[3] |
Afelium: | 33,616 AE |
Perihelium: | 0,78078 AE |
Halwe lengteas: | 17,199 AE |
Eksentrisiteit: | 0,95460 |
Wentelperiode: | 71,32 jaar |
Baanhelling: | 74,191° |
Sy volgende perihelium is op 21 April 2024,[5] en dit sal op 2 Junie 2024 die naaste aan die Aarde wees: 1,55 AE (232 miljoen km).[6] Die komeet sal na verwagting 'n skynbare magnitude van 4,5 bereik.[7] Die komeetkern se deursnee word op sowat 30 km geraam.[8]
12P/Pons-Brooks is vermoedelik die oorsaak van die swak meteoorreën κ Draconides in Desember wat van omstreeks 29 November tot 13 Desember aktief is.[9]